Pupujian Sunda "Shalat Lima Waktu"

Sholat Lima Waktu

Lamun datang Subuh alesana tunduh
Gawena sibuk pakewuh eujeung ripuh

Hirup loba ngeluh henteu Sholat Subuh
Di akherat jadi tambah leuwih ripuh

---

Datang waktu Dzuhur kesang masih ngucur
Digawe ngagedur meumpeung heunteu nganggur

Henteu Sholat Dzuhur kana ni'mat kufur
Akherat mah lapur bari henteu syukur

---

Lamun datang Ashar lain tambah sadar
Kana ibadah parentahan di langgar

Poho sholat Ashar cape tos ti pasar
Akibatna di akheratna kasasar

---

Datang waktu magrib kagok aya persib
Kasenggolan galib sugan alus nasib

Ngobrol gosip aib syetan jadi karib
Akhirna jadi tinggaleun sholat Magrib

---

Datang waktu isya dangdan jeung ngagaya
Anteung calik Nonton TV geus biasa

Nu tunduh ge aya sare teu karasa
Ngimpi nage kalah jadi ka naraka

---

Sholat lima waktu ulah sampai buntu
Ninggalkn sawaktu adab pasti nunggu

Ulah nurut nafsu ibadah sing khusyu
Dzikir lila amal hade kudu ulah ragu